مشاهدة النسخة كاملة : طلعت فوق السطوح \رباعيات الحنين


الشيماء
25-10-2008, 08:22 PM
--------------------------

يا حلو قوللي علي طبعك وانا امشي عليه
الحب بدعة ونار والعة وانا امشي عليه
علمني طبعك اطاوعك يا مني عيني
واوصف طريق الهوا ليا وانا امشي عليه


طلعت فوق السطوح انده علي طيري
لقيت طيري بيشرب من قنى غيري
زعقت من عزم ما بي وقلت يا طيري
قالي زمانك مضي دور علي غيري:sm2n94:


دول رباعيتين اصلهم اغنية قديمة لبدريه السيد
عايزين كده نعمل شوية رباعيات توصف للغايبين من طيور ابناء طيبه المهاجره
تلك الطيور الجارحه
توريهم شحتفة قلوبنا عليهم
يللا ......ايدك معايه يارايق :sm2n62:
والدعوة عامة لكل الحبايب , وسقف الحرية عااااااااااااااالي ف النظم
اللي عايز ينده بالاسم او مش بالاسم هو حر بقى
ونقول بقى

طلعت فوق السطوح انده على الحلوــــــــين
طال الغياب , طب ليه ؟ وقولولي رحتم فين
عيني عليكم بكت ودموعي دي شهودي
عشرة وهانت بقى؟ والا الدلال , ياعيييين ؟؟؟

:sm2n72: :sm2n72: :sm2n72:

الشيماء
25-10-2008, 08:24 PM
طلعت فوق السطوح انده لشحرورة
قمر ف طيبه وعلا لسماها مندورة
غفيرنا بشرطتين تاه مننا ياعين
والامن مش مستتب بعدك ياغندورة

الشيماء
25-10-2008, 08:28 PM
طلعت فوق السطوح انده يا ابو الشحارير
فين القطايف كده؟ وفين ندهتك ياغفير؟
هانت عليكي الورود والا الصور ووعود
واحنا ودادنا ماهان ياجميل واجمل طير

الشيماء
25-10-2008, 08:31 PM
طلعت فوق السطوح انده على ليبرا
طبعك جميل طب ليه تخونك العشره؟
سيد الملاح سيدي ؟ والله ماهو بايدي
يادانة ومن الخليج عطرك بقى عبره
:sm2n89:

الشيماء
25-10-2008, 08:35 PM
طلعت فوق السطوح انده لهلولـــه
نورك علينا غاب والفسحه مقبوله
لو كان غيابك شغل معذورة ياحلوة
اما ان غيابك جفا ,العوده موصوله
:sm2n89:

آمال محمود كحيل
25-10-2008, 11:08 PM
طلعت فوق السـطوح أدعي واقـول يا رب
تجمعـني بالغايبين ، وتطفـي شوق القـلب
ولقيت دمـوع العــين سالت على الخــديـن
فهمست جايز يوم هايلبوا صـــوت الحـب

دعوة جميلة من قلب طيب ورقيق وحنون
عمران بكل معاني الود والحب والشوق والحنين
ألف شكر يا دكتورة شيماء على مشاعرك الصادقة النبيلة
واتمنى من كل قلبي يوصل صدى همساتك الرقيقة
لقلوب كانت يوم معانا وسابتنا
لكن عمرها ما غادرت مكانها جوه عينينا
آمال

رحيل
25-10-2008, 11:17 PM
طلعت فوق السطوح مالقيتش حد علية

قعدت افكر واسال هو المكان فضي ليه

لقيت ورقة علي جنب مطوية

بتقولي يابني انزل طالع تصالح ايه؟

آمال محمود كحيل
25-10-2008, 11:21 PM
طلعت فوق السطوح ، وناجــيت نجــوم الليـل
على صوت أنين الروح عزف القمــر مواويل
يا حبايبي إنتم فين ؟ ملامحكـــوا جـوه العـين
وانا قلبي كله جـروح في بعادكوا قاسى الويل

وفاء كحيل
25-10-2008, 11:45 PM
طلعت فوق السطوح لقيتني بناديهم
ولقيتني بسأل فين هما وفين ألاقيهم
دموعي ف غيابي يمكن تواسيهم
ف فراقهم قلوب كانت بتعيش بيهم

وفاء كحيل
25-10-2008, 11:49 PM
وطلعت فوق السطوح لقيته بقى مضلم
حكم الزمن دا ولا البعد كان أرحم ؟؟
بعدتوا ليه وليه هانت عشرتنا ؟؟؟
ولا هناك فرحة والقلوب هناك بتحلم

رحيل
26-10-2008, 12:01 AM
طلعت فوق السطوح لجل التقي صحبة

فرح وغنا واحلام حكايات سما راحبة

لقيت ريحكوا الخفيف داعبني فجفوني

بكيت عيوني بفرح ومحبة

وفاء كحيل
26-10-2008, 12:06 AM
طلعت فوق السطوح لجل التقي صحبة

فرح وغنا واحلام حكايات سما راحبة

لقيت ريحكوا الخفيف داعبني فجفوني

بكيت عيوني بفرح ومحبة

طلعت فوق السطوح نزلت كام دمعة
رميتهم بعيد في السما الواسعة
متضايقة وبكيت واتاريني ف بعادهم
هموم واحزان وأيـام مش نافعـة

رحيل
26-10-2008, 12:20 AM
علشان سواد عينك طلعت الف سطوح

لكني كالعادة مالقيتش باب مفتوح

لكني مش هايأس مهما تعدي سنين

جايز اعيش فرحان جايز اموت مجروح

طيبة
26-10-2008, 12:47 AM
هو لازم ننده من فوق السطوح يا دودي ؟

ما ينفعش من البلكونة ؟

بما اني مش شاعرة ولا بعرف انظم رباعيات ولا خمسيات

آديني ماسكة مايك وبنادي على الناس الغايبة

اللي بيحبنا يرجع

و اللي مش بيحبنا خليه عنده

انا غلسة وبحب احط الناس في مواقف بايخة

http://www.al-wed.com/pic-vb/31.gif

وفاء كحيل
26-10-2008, 01:12 AM
هو لازم ننده من فوق السطوح يا دودي ؟

ما ينفعش من البلكونة ؟

بما اني مش شاعرة ولا بعرف انظم رباعيات ولا خمسيات

آديني ماسكة مايك وبنادي على الناس الغايبة

اللي بيحبنا يرجع

و اللي مش بيحبنا خليه عنده

انا غلسة وبحب احط الناس في مواقف بايخة

http://www.al-wed.com/pic-vb/31.gif


شايفة الضحكة رغم ما بيا الفرح بقى مسموح
صوت الطيبة طلعت يا طيبة من فوق السطوح
ومن الارض زي الفرض و" بمايك " القلب المفتوح
ربنا يخلينا لبعضينا يا طيبة مش ناقصين تاني جروح

آمال محمود كحيل
26-10-2008, 01:21 AM
هو لازم ننده من فوق السطوح يا دودي ؟


ما ينفعش من البلكونة ؟

بما اني مش شاعرة ولا بعرف انظم رباعيات ولا خمسيات

آديني ماسكة مايك وبنادي على الناس الغايبة

اللي بيحبنا يرجع

و اللي مش بيحبنا خليه عنده

انا غلسة وبحب احط الناس في مواقف بايخة

http://www.al-wed.com/pic-vb/31.gif




هههههههههههههههه

ينفع من البلكونة يا طبطب ما ينفعش ليه يا قمر

المهم تندهي من أي حتة تعجبك وبالطريقة اللي تعجبك

بالمايك

بالعزف المنفرد

بالهمس

بالصراخ

كله ماشي

ربنا يجمع الشمل ويعيد الصفا

والقلوب من تاني تشعر بالدفا

ما فيش فايدة قلبت معايا بشعر برضه

هههههههههههه

الشيماء
26-10-2008, 01:45 AM
طلعت فوق السطوح مالقيتش حد علية

قعدت افكر واسال هو المكان فضي ليه

لقيت ورقة علي جنب مطوية

بتقولي يابني انزل طالع تصالح ايه؟

طلعت فوق السطوح وغنيت انا ياليل
طولت ليه ف بعدهم ؟زودت ميلي ميل
ردت نجومه ياعييييين..والله على عيني
طلبك بقى مرفوض اصله اوان رحيـــــــل

منووووووووور يا ابو كنزي:sm2n29:

الشيماء
26-10-2008, 01:53 AM
طلعت فوق السطوح ، وناجــيت نجــوم الليـل
على صوت أنين الروح عزف القمــر مواويل
يا حبايبي إنتم فين ؟ ملامحكـــوا جـوه العـين
وانا قلبي كله جـروح في بعادكوا قاسى الويل




الله الله الله

وطلعت فوق السطوح لاقيت امال قبلي
تنده على الغايبين باجمل كلام يغلــــي
بحرارة الاشواق ,مش طايقه اسم فراق
لا كملوا الموال ولا ردهم جاي لـــــي

طيبة
26-10-2008, 01:55 AM
شايفة الضحكة رغم ما بيا الفرح بقى مسموح

صوت الطيبة طلعت يا طيبة من فوق السطوح
ومن الارض زي الفرض و" بمايك " القلب المفتوح
ربنا يخلينا لبعضينا يا طيبة مش ناقصين تاني جروح



يا ستي اضحكي هو حد واخد منها حاجة

ما هو ساعات كتر الهم والحزن يضحكوا

وما فيش جروح تاني ولا حاجة ان شاء الله

ربنا يرجع الحبايب

الشيماء
26-10-2008, 01:59 AM
طلعت فوق السطوح لقيتني بناديهم
ولقيتني بسأل فين هما وفين ألاقيهم
دموعي ف غيابي يمكن تواسيهم
ف فراقهم قلوب كانت بتعيش بيهم

طلعت فوق السطوح ومعايه اهي فوفا
غطي بقى وصوتي ياصفيه بالقفــــــه
راحوا الحبايب هناك ,مابقوش هنا بينا
ما ردوا لينا الندا ,امتى القلوب تصفى؟
:sm2n70:

طيبة
26-10-2008, 01:59 AM
هههههههههههههههه

ينفع من البلكونة يا طبطب ما ينفعش ليه يا قمر

المهم تندهي من أي حتة تعجبك وبالطريقة اللي تعجبك

بالمايك

بالعزف المنفرد

بالهمس

بالصراخ

كله ماشي

ربنا يجمع الشمل ويعيد الصفا

والقلوب من تاني تشعر بالدفا

ما فيش فايدة قلبت معايا بشعر برضه


هههههههههههه



ههههههههههههههه

ما هي لازم تقلب مش سيدة الشعر ؟!!!

انا هعمل اعلان في الجرنال ..خرجوا ولم يعودوا

مع مكافأة مالية للي هيرجعهم

كدا بصراحة اسهل واضمن من طلوع السطوح

اصل مافيش عندنا اسانسير

:sm2n75:

الشيماء
26-10-2008, 02:05 AM
طلعت فوق السطوح لجل التقي صحبة

فرح وغنا واحلام حكايات سما راحبة

لقيت ريحكوا الخفيف داعبني فجفوني

بكيت عيوني بفرح ومحبة

الله الله الله ....والمصحف انا لو اعرف كده كنت م الاول بلطت فوق السطووووح

رحيل
26-10-2008, 02:18 AM
ههههههههههههههههههه

ازي حضرتك يا دكتور

الشيماء
26-10-2008, 03:30 AM
طلعت فوق السطوح لجل التقي صحبة

فرح وغنا واحلام حكايات سما راحبة

لقيت ريحكوا الخفيف داعبني فجفوني

بكيت عيوني بفرح ومحبة

طلعت فوق السطوح وزرعت انا وردي
سقيته من دمعتي ودعيت انا ف وردي
ان الورود تطرح عطر ومحبة وصفـــا
اتاريه اوان الشوك ف سؤالي وف ردي

:sm2n96:

منووووور يا ابو كنزي

الشيماء
26-10-2008, 03:35 AM
طلعت فوق السطوح نزلت كام دمعة
رميتهم بعيد في السما الواسعة
متضايقة وبكيت واتاريني ف بعادهم
هموم واحزان وأيـام مش نافعـة

طلعت فوق السطوح وفوفا زهقانـــة
دمعتها طارف الرمش م القهر اه يانه
عايزة جنازة كده وتملي تشبع لطم
طلعت معايه السطوح حلوانة سلوانة:sm2n75:

معلهش يافوفا القافيه حكمت اموووووواه

احمد ابراهيم
26-10-2008, 03:38 AM
طلعت فوق السطوح انادي قلوب الاحبه
شفت قلبك كاتب مفتوح صدق وود ومحبه
بينده عليك مدبوح عود واسند عود الروح
مهما تكون مجروح نداوي بعضنا حبه حبه
انا جيت انادي لقتني بانادي بصوت الشيماء

الشيماء
26-10-2008, 03:40 AM
علشان سواد عينك طلعت الف سطوح

لكني كالعادة مالقيتش باب مفتوح

لكني مش هايأس مهما تعدي سنين

جايز اعيش فرحان جايز اموت مجروح

الف الف بعد الشر يا آدم يابني:sm2n96:
ونقول كمان

طلعت الف سطوح واطلع كمان ابراج
واقرا انا المندل وبصفحة الابــــــــراج
واشوف انا الغاليين ,فاتونا راحوا لفين ؟
واكشف انا الاسرار لو حتى ف المعراج

الشيماء
26-10-2008, 03:45 AM
هو لازم ننده من فوق السطوح يا دودي ؟

ما ينفعش من البلكونة ؟

بما اني مش شاعرة ولا بعرف انظم رباعيات ولا خمسيات

آديني ماسكة مايك وبنادي على الناس الغايبة

اللي بيحبنا يرجع

و اللي مش بيحبنا خليه عنده

انا غلسة وبحب احط الناس في مواقف بايخة

http://www.al-wed.com/pic-vb/31.gif


طلعت فوق السطوح ولاقيت انا طيبة
واقفالي ف الشرفات وتبصلي بريبه
وتقولي ليه بتندهي ولا حد بيسمع ؟
انا قلت , يمكن , يجوز ,الاقي حبيبه

:sm2n75:

طبطب خليك حونين يمكن يحنوا :sm2n96:
هههههههههههههههههههه
حووووشي لا تقع عليكي فازة والا حاجة م السطوووووح:sm2n70:

الشيماء
26-10-2008, 03:50 AM
شايفة الضحكة رغم ما بيا الفرح بقى مسموح
صوت الطيبة طلعت يا طيبة من فوق السطوح
ومن الارض زي الفرض و" بمايك " القلب المفتوح
ربنا يخلينا لبعضينا يا طيبة مش ناقصين تاني جروح



طلعت فوق السطوح وفوفا تنادي بمايـــــــــك
مش عايزة يوم تنجرح من جاك ولا من مايك
انا قلت يافوفتي طبع المحبة جـــــــــــراح
والشوك ف قلب الورد يو لايك او دس لايك

:sm2n5:

الشيماء
26-10-2008, 03:56 AM
هههههههههههههههه

ينفع من البلكونة يا طبطب ما ينفعش ليه يا قمر

المهم تندهي من أي حتة تعجبك وبالطريقة اللي تعجبك

بالمايك

بالعزف المنفرد

بالهمس

بالصراخ

كله ماشي

ربنا يجمع الشمل ويعيد الصفا

والقلوب من تاني تشعر بالدفا

ما فيش فايدة قلبت معايا بشعر برضه

هههههههههههه

طلعت فوق السطوح , قالت مفيش فايــــده
الهجر لما طـــــــال ناره بقت قايـــــــــــــــده
اموله لو تنطقي الكلمــــــــــــة بتطلع شعر
حتى الشعور ع الراس موزونة ع الواحده
:sm2n48:

آمال محمود كحيل
26-10-2008, 03:56 AM
الله الله الله

وطلعت فوق السطوح لاقيت امال قبلي
تنده على الغايبين باجمل كلام يغلــــي
بحرارة الاشواق ,مش طايقه اسم فراق
لا كملوا الموال ولا ردهم جاي لـــــي


وطلعت فوق السـطوح ، أنسـج أمل تاني
وناديت بعــلو الصـــوت فينكم يا خلاني ؟
جاوب ندايا الصدى وغلبت اشوف المدى
واليأس نولـه ابتــدا يغــــزل في أحــزاني

احمد ابراهيم
26-10-2008, 03:57 AM
طلعت فوق السطوح ولاقيت انا طيبة
واقفالي ف الشرفات وتبصلي بريبه
وتقولي ليه بتندهي ولا حد بيسمع ؟
انا قلت , يمكن , يجوز ,الاقي حبيبه

:sm2n75:

طبطب خليك حونين يمكن يحنوا :sm2n96:
هههههههههههههههههههه
حووووشي لا تقع عليكي فازة والا حاجة م السطوووووح:sm2n70:

عيال حبيبه في رحابكم
يا نور العين
وهنفضل طول العمر على بابكم
ومش ماشيين

الشيماء
26-10-2008, 04:03 AM
يا ستي اضحكي هو حد واخد منها حاجة

ما هو ساعات كتر الهم والحزن يضحكوا

وما فيش جروح تاني ولا حاجة ان شاء الله

ربنا يرجع الحبايب





طلعت فوق السطوح ماخدت انا حاجه
لامنها او غيرها ,وانا ما محتاجــــــــه
الا الكلام الحلو ماباقي ف الدنيا
غيره ولا يسوى وابدا ماليه حاجـــة



:sm2n92: صباح الفل ياطبطب

آمال محمود كحيل
26-10-2008, 04:07 AM
طلعت فوق السطوح ودموعي في عينيـه
وناديت يا أغلى الناس على قلبي وعينيـه
هانت عليكوا ازاي ؟ عشرة سنين وايــام
كان كله بس كلام ؟ يا حـبيبتي يا عينيـه

آمال محمود كحيل
26-10-2008, 04:21 AM
طلعت فوق السطوح , قالت مفيش فايــــده
الهجر لما طـــــــال ناره بقت قايـــــــــــــــده
اموله لو تنطقي الكلمــــــــــــة بتطلع شعر
حتى الشعور ع الراس موزونة ع الواحده
:sm2n48:



طلعت فوق السطوح ، والشيما كات ســابقة
في عينيها كات بتنـوح ... دمعـة ألم حارقة
فتحت جروح وجـروح محتاجــة ألف طـبيب
يوقف نزيف الروح بحروف تكـون صـــادقة

احمد ابراهيم
26-10-2008, 04:23 AM
طلعت فوق السطوح وكلي شوق وحنين
يسمع ندايا قلب يحن ويحنن الغايبين
يقول عن دموعي كل كلام صمتي
ما حد حس بيك زيدي الدموع يا عين

الشيماء
26-10-2008, 04:26 AM
وطلعت فوق السـطوح ، أنسـج أمل تاني
وناديت بعــلو الصـــوت فينكم يا خلاني ؟
جاوب ندايا الصدى وغلبت اشوف المدى
واليأس نولـه ابتــدا يغــــزل في أحــزاني


ياحلاوة ياحلاااااااااااااااااااوة :sm2n70:

وطلعت فوق السطوح لاقيت امال تنسج
بخيطان محبة ووفا وتقولي راح تفرج
بساط كده احمدي مفرود على الواسعه
مستني بالاشواق كل اللي غاب او هج

ريما محمد
26-10-2008, 04:30 AM
طلعت فوق السطوح أبص ع المخاليق
لا لاقيين جنبنا حد ولا لاقيين حتى صديق
راحوا الحبايب فين بكوا دموع العين
نسيوا اللي كان بينا وفاتونا وقت الضيق

الشيماء
26-10-2008, 04:38 AM
طلعت فوق السطوح انادي قلوب الاحبه
شفت قلبك كاتب مفتوح صدق وود ومحبه
بينده عليك مدبوح عود واسند عود الروح
مهما تكون مجروح نداوي بعضنا حبه حبه
انا جيت انادي لقتني بانادي بصوت الشيماء

طلعت فوق السطوح لاقيت انا الرايق
صاحب صحابه ياناس وللكلام فايق
يا ابو الكلام فلسفة وموزونة بالقيراط
بالخير يارب القاك دايما كده سابق

:sm2n29: صباح الفل يا ابو ابراهيم

الشيماء
26-10-2008, 04:45 AM
عيال حبيبه في رحابكم
يا نور العين
وهنفضل طول العمر على بابكم
ومش ماشيين

طلعت فوق السطوح ولميت انا احبابــــي
قاعدين ومش ماشيين يافرحه ف ابوابي
وندهنا ع الغايبين ,عودوا لمطارحكم
ياسامعين الصوت ما تردوا يا اصحابي

:sm2n70:

الشيماء
26-10-2008, 04:52 AM
طلعت فوق السطوح ودموعي في عينيـه
وناديت يا أغلى الناس على قلبي وعينيـه
هانت عليكوا ازاي ؟ عشرة سنين وايــام
كان كله بس كلام ؟ يا حـبيبتي يا عينيـه


اه والنبي صادقه بجد , خصوصا اخر حتة

طلعت فوق السطوح انده ومن بـــــــدري
ع اللي كلامهم عسل والريق اهو بيجري
واسرح انا وافتكر احلى حروف ليهم
دول حتى قالولي انتي بعد عمـــــــــري

دي كلمة ليبرتي:sm2n75:

الشيماء
26-10-2008, 04:58 AM
طلعت فوق السطوح أبص ع المخاليق
لا لاقيين جنبنا حد ولا لاقيين حتى صديق
راحوا الحبايب فين بكوا دموع العين
نسيوا اللي كان بينا وفاتونا وقت الضيق

هههههههههههههههههههه حلوة ياريموس:sm2n96:
ادييييييييييييييها

طلعت فوق السطوح بعديه جات ريما
رايحه تحج يااااااهو حكيمه فههييمه
عودوا عشان تطلعوا بدعوة من الحاجة
والا انتو مستغنين ؟على راي ابو هيما

:sm2n16:

آمال محمود كحيل
26-10-2008, 05:07 AM
ياحلاوة ياحلاااااااااااااااااااوة :sm2n70:

وطلعت فوق السطوح لاقيت امال تنسج
بخيطان محبة ووفا وتقولي راح تفرج
بساط كده احمدي مفرود على الواسعه
مستني بالاشواق كل اللي غاب او هج




وطلعت فوق الســطوح ودمـــوعي بتلالي
وناديت على الأحباب ، وشـرحت أحوالي
أربع نجوم في الســـما شــايفاها بصــالي
وانـــا قلـبي دايب بكا ، ولا همهم حـــالي

اسامه علي
26-10-2008, 05:12 AM
طلعت فوق السطوح ولميت انا احبابــــي
قاعدين ومش ماشيين يافرحه ف ابوابي
وندهنا ع الغايبين ,عودوا لمطارحكم
ياسامعين الصوت ما تردوا يا اصحابي

:sm2n70:


طلعت فوق السطوح ألاعب العصافير
كل أما أقرب لها على طول تهيج وتطير
بإديه كان أكلهم وفي قلبي كان حبهم
هربوا سوى كلهم ولا بطلوش تنقير

آخرتها يعني فوق السطوح حتى مش شقه دور أرضي :sm2n83:

احمد ابراهيم
26-10-2008, 05:17 AM
طلعت فوق السطوح مشتاق ليهم يطلو
وبهلو عليا الحبايب دموع عيني فيه ما خلو
كفاياكم بفى بعاد وليه بس العناد
ولا حبيتو عذابنا وبدموعنا بتتسلو

اسامه علي
26-10-2008, 05:27 AM
http://www.tibason.com/vb/images/frames/15_cur.gifhttp://www.tibason.com/vb/images/frames/15_cul.gif
وطلعت فوق الســطوح ودمـــوعي بتلالي
وناديت على الأحباب ، وشـرحت أحوالي
أربع نجوم في الســـما شــايفاها بصــالي
وانـــا قلـبي دايب بكا ، ولا همهم حـــالي

http://www.tibason.com/vb/images/frames/15_cdr.gifhttp://www.tibason.com/vb/images/frames/15_cdl.gif





طلعت فوق السطوح والقمره كات طالعه
وجنب منها الشمس ونارها كات والعه
إحتارت بين لأتنين وما بين شمال ويمين
حتى البني آدمين في زمانا بقوا سلعه

اسامه علي
26-10-2008, 05:42 AM
طلعت فوق السطوح من طولو حيلي أتهد
لا لقيت ونس ياناس ولا جنبي ايها حد
ولا حتى فاعل خير ولا إيد إليك تتمد
قالوا ما يطلع فوق غير اللي زي القرد

آمال محمود كحيل
26-10-2008, 05:48 AM
اه والنبي صادقه بجد , خصوصا اخر حتة

طلعت فوق السطوح انده ومن بـــــــدري
ع اللي كلامهم عسل والريق اهو بيجري
واسرح انا وافتكر احلى حروف ليهم
دول حتى قالولي انتي بعد عمـــــــــري

دي كلمة ليبرتي:sm2n75:



وطلعت فوق السطوح ، وغلبت اناديـكم
وسألت فين يا ناس رسيت أراضيـكم ؟؟
الشوق في قلبي كبير وحاولت اراضيكم
سيبتونا ليه وازاي سـكتت غنــاويكم ؟؟

وفاء كحيل
26-10-2008, 07:48 AM
طلعت فوق السطوح من طولو حيلي أتهد
لا لقيت ونس ياناس ولا جنبي ايها حد
ولا حتى فاعل خير ولا إيد إليك تتمد
قالوا ما يطلع فوق غير اللي زي القرد

طلعت فوق السطوح والإيدين ليه بتتمد
بدعي لربي دا أنا مليش غيره حـد
عليت كمان صوتي وندهت عليهم
يكونشي انا بحلم ولا حقيقة دي وبجد

وفاء كحيل
26-10-2008, 07:53 AM
طلعت فوق السطوح وندهت يا شيما
بكيت ف غيابهم والناس بقت لايمة
ليه فاتونا ليه وليه نسيوا العشرة
ماهانوا علينا ف يوم إزاي إحنا هننا ؟؟؟

وفاء كحيل
26-10-2008, 07:57 AM
طلعت فوق السطوح وهما نسيونا
بكينا عليهم زعلوا ولامونا
يكونشي بعدنا دا كان أرحم
م الحيرة ودموع سكنت ف عيونا

وفاء كحيل
26-10-2008, 08:10 AM
طلعت فوق السطوح ندهت وقلت يا رب
قلوبهم بقت حجر ولا فراقنا عليهم صعب
بفراقنا بيتسلوا ولا بيسالوا فينا
وكلت أمري فيك نقاسي من دا غلب

الشيماء
26-10-2008, 11:02 AM
وطلعت فوق الســطوح ودمـــوعي بتلالي
وناديت على الأحباب ، وشـرحت أحوالي
أربع نجوم في الســـما شــايفاها بصــالي
وانـــا قلـبي دايب بكا ، ولا همهم حـــالي




طلعت فوق السطوح والدنيا فجريه
كشفت انا راسي بدعوه م ال هيه
على اللي كان السبب ف فرقة الغاليين
دعواتي رجعتلي اتاري انا هيه
:sm2n16:

الشيماء
26-10-2008, 11:11 AM
طلعت فوق السطوح ألاعب العصافير
كل أما أقرب لها على طول تهيج وتطير
بإديه كان أكلهم وفي قلبي كان حبهم
هربوا سوى كلهم ولا بطلوش تنقير

آخرتها يعني فوق السطوح حتى مش شقه دور أرضي :sm2n83:


ههههههههههههههههه هنعمل ايه بقى ياخويه حكم البتاع ع البتوع:sm2n38:

طلعت فوق السطوح انده عصافيـــري
ربولي نوع م الخفيف يعني عصافيري
سابوا الفضا ف عشهم , والعشه بتنادي
لا سمعوا مني ولا ردوا على فييييييري
:sm2n102:

أحمد عثمان
26-10-2008, 03:39 PM
و طلعت فوق السطوح لقيت الهوا أمشير
أنده بعلو صوتي ياخده الهوا و يطـــير
انا قلت أنزل شوية الطقس راح يهدى
و أرجع أنده لطيري يجيني بالمشاوير

أحمد عثمان
26-10-2008, 04:06 PM
طلعت فوق السطوح أقول أنا موجود
لأجل عيونك يا طيبة بكل حرف أجود
يا طيبة اطمني البعد مش غية
و مهما غاب الطير لحظة حنين هيعود

هاني عزت
26-10-2008, 07:57 PM
طلعت فوق فوق السطوح

بانده علي اغلي الصحاب

فيهم دوا لكل الجروح

وليه ياحبايبي طال الغياب

اسامه علي
26-10-2008, 08:56 PM
طلعت فوق السطوح أرقعلي كام موال
أشكي ليالي الضنا واشكي العنا يا خال
وأشكي ملامة القريب وملامة العزال
بتلوموا ليه العاشقين عمال على بطال
وتجيبوا سيرة الناس وكلام غريب يتقال
دا القلب لما عشق من نظرة طب ومال
لما رماني بعنيه سلمت له في الحال
دا العشق جنة ونار وجمال ما بعدو جمال

طيبة
27-10-2008, 02:53 PM
انتو لسه فوق السطوح ؟!!!

الشتاء داخل وهيجيلكم يا جماعة التهاب رئوي

تسلم نداءتكم واياديكم

و الحمد لله جت بفايدة و دكتور احمد سمع النداء وجه يجري

حمد الله على السلامة يا دوك

منور طيبة بالجامد

ما تبعدش تاني بقى

مدحت زيدان
27-10-2008, 03:43 PM
طلعت فو ق برج الجزيرة
وقلبى كله حنين وحيرة على الزميل والزميلة
قلت يمكن ألمح أبو قدرى أو هلولة ولا الشحرورة
انده عليهم واقلهم
لازم تبانوا معانا فى الصورة
بعدكم عن المنتدى طال وماله أى ضرورة

احمد ابراهيم
28-10-2008, 12:41 PM
طلعت فوق السطوح ولميت انا احبابــــي
قاعدين ومش ماشيين يافرحه ف ابوابي
وندهنا ع الغايبين ,عودوا لمطارحكم
ياسامعين الصوت ما تردوا يا اصحابي

:sm2n70:

طلعت فوق السحاب
انادي شمس وقمر
العشق ليه اسباب
قلوب ملايكه ف بشر
والقلب من غير احباب
محدوف في جوف الخطر
قلبي في هواكم طاب
وقلوبكم عليا بقت حجر

الشيماء
28-10-2008, 05:47 PM
طلعت فوق السطوح مشتاق ليهم يطلو
وبهلو عليا الحبايب دموع عيني فيه ما خلو
كفاياكم بفى بعاد وليه بس العناد
ولا حبيتو عذابنا وبدموعنا بتتسلو

طلعت فوق السطوح قالوا مفيش داعي
تنده عليهم ليه جملة وقطاعـــــــــــــــي؟
اللي يعوز يرجع البيت ماهو بيته
اما اللي مش عايز بالخير اليه داعي

الشيماء
28-10-2008, 05:53 PM
طلعت فوق السطوح والقمره كات طالعه
وجنب منها الشمس ونارها كات والعه
إحتارت بين لأتنين وما بين شمال ويمين
حتى البني آدمين في زمانا بقوا سلعه



طلعت فوق السطوح وكنت انا شاري
حتى اللي بايعني والحب ده كـــــــــاري
عمري ما بعت الناس وقلبي ماهوش سلعة
شاريه انا بعمري وشهودي اشعاري

الشيماء
28-10-2008, 06:01 PM
طلعت فوق السطوح من طولو حيلي أتهد
لا لقيت ونس ياناس ولا جنبي ايها حد
ولا حتى فاعل خير ولا إيد إليك تتمد
قالوا ما يطلع فوق غير اللي زي القرد

طلعت فوق السطوح وعملت زي القــرد
وعملت عشه وبيت والحارة فضلت ساد
وندهت ياما كتير لو فيه قلوب تسمع
عوضي برب كريم عمره ما ينسى حـــد

الشيماء
28-10-2008, 06:08 PM
طلعت فوق السطوح وندهت يا شيما
بكيت ف غيابهم والناس بقت لايمة
ليه فاتونا ليه وليه نسيوا العشرة
ماهانوا علينا ف يوم إزاي إحنا هننا ؟؟؟

خلاص بلاها سطوح يللا بقى ننزل

:sm2n14: :sm2n14:
لو كان يفيد البوح والا الندا يوصل
كانوا زمان رجعوا ,وسمعوا اسبابنا
لكنهم بايعين , ربك بقى يعــــــــــدل

أحمد عثمان
28-10-2008, 06:11 PM
طلعت فوق السطوح قالوا مفيش داعي
تنده عليهم ليه جملة وقطاعـــــــــــــــي؟
اللي يعوز يرجع البيت ماهو بيته
اما اللي مش عايز بالخير اليه داعي





فوق السطوح براح
و بكرة يجمعنا
و اللي راح ما راح
مسيره يسمعنا

الشيماء
28-10-2008, 06:14 PM
طلعت فوق السطوح ندهت وقلت يا رب
قلوبهم بقت حجر ولا فراقنا عليهم صعب
بفراقنا بيتسلوا ولا بيسالوا فينا
وكلت أمري فيك نقاسي من دا غلب

طلعت فوق السطوح وربي بي عالم
ما ظلمتهم عمري ,بيبعتروا الملــم
حتى ان زعلت ف يوم ليهم ماهو منهم
يللا بقى اختاروا والخيره راح تحكم

أحمد عثمان
28-10-2008, 06:21 PM
خلاص بلاها سطوح يللا بقى ننزل

:sm2n14: :sm2n14:
لو كان يفيد البوح والا الندا يوصل
كانوا زمان رجعوا ,وسمعوا اسبابنا
لكنهم بايعين , ربك بقى يعــــــــــدل

اصبر يا صابر تنول
و خليك فوق السطوح
و خلي الوداد موصول
و باب السطوح مفتوح

الشيماء
28-10-2008, 06:30 PM
و طلعت فوق السطوح لقيت الهوا أمشير
أنده بعلو صوتي ياخده الهوا و يطـــير
انا قلت أنزل شوية الطقس راح يهدى
و أرجع أنده لطيري يجيني بالمشاوير



امشير وطوبة ونو, زعابيبها م الحيره
وسحابه سوده تغم وتخنق الخيــــــــــره
لو القلوب زعببت مين اللي يعدلها
بدعي لهم بالصفا حتى ف قنا السيره

اسامه علي
28-10-2008, 06:34 PM
طلعت فوق السطوح أشكي النجوم حالي
وجعي في قلبي زاد على فرقة الغالي
بأدعي واقول يارب ع البعد صبرني
أرجع وألاقي حبيبي مستني لوصالي

الشيماء
28-10-2008, 06:35 PM
طلعت فوق السطوح أقول أنا موجود
لأجل عيونك يا طيبة بكل حرف أجود
يا طيبة اطمني البعد مش غية
و مهما غاب الطير لحظة حنين هيعود

ما نتحرمش من وجودك يادكتور احمد
الف اهلا بحضرتك
لو الموضوع ده مكسبش غير عودتك لينا يبقى اكيد كسبنا كتير والحمد لله فالخير فيما يختاره دوما

سبحان الذي كلتا يديه يمين
وسبحانه كل عطاءه خير علمناه او لم نعلمه
رضينا بما ارتضاه لنا والحمد له والفضل والمنه كما ينبغي لجلال وجهه وعظيم سلطانه

اسامه علي
28-10-2008, 06:48 PM
طلعت فوق السطوح أنعنش النعانيش
اضربلي فوق نفسين يخشو في النغاشيش
خبطني فوق الهوى ووقعت أنا مسطول
أتاريني كنت في حلم والحلم نام ما صحيش

:sm2n70:

رحيل
28-10-2008, 11:02 PM
طلعت فوق السطوح افرفش الفرافيش

لقيت حبيبي اسامه قافل عليه الشيش

غلبت اقوله نفس يجلي دخانه الهم

فتح القزاز زعلان وقالي يابني مفيش

الشيماء
29-10-2008, 02:23 AM
طلعت فوق السحاب
انادي شمس وقمر
العشق ليه اسباب
قلوب ملايكه ف بشر
والقلب من غير احباب
محدوف في جوف الخطر
قلبي في هواكم طاب
وقلوبكم عليا بقت حجر

طلعت فوق السطوح ولاموني ف طلوعـــــــي
قالوا اللي راح ما يروح ,مادام ماهوش طوعي
انا قلت اصل الاصيل حبل الوداد يوصل
وان غيره مرة قطع من طبعه ما بيفصل
مرة ومرة كمان يمكن قلوب يغســــــــل
عشان ماحد يقول طبــــــــــعي انا قطوعــــــــي
:sm2n2:

الشيماء
29-10-2008, 02:51 AM
طلعت فوق السطوح لاقيته بيلقــــح
بالقول كما التعبان وعني بيسيـــــــح
دعيت لرب العباد وقلتله سامحه
مخنوق كده م البعاد والفضفضه تريح
:sm2n118:

طلعت فوق الســـطوح انده على الغايبين
قالوا بكل وضوح ماحناش خلاص راجعين
ملينا م المشوار,والليل طلعله نهـــــــار
سبنا القلق والخوف وعرفنا رايحين فين

ربنا يوفقكم ف ليلكم ونهاركم ,مادام متابعين كده :sm2n87:

اسامه علي
29-10-2008, 02:54 AM
طلعت فوق السطوح افرفش الفرافيش

لقيت حبيبي اسامه قافل عليه الشيش

غلبت اقوله نفس يجلي دخانه الهم

فتح القزاز زعلان وقالي يابني مفيش

طلعت فوق السطوح ** بنده واقول يا رحيل
عايز تسيبنا ليه ** وتفوتنا ليه يا جميل
حود وخد نفسين ** طقطق معاك حجرين
سلطن يابو السلاطين ** دا الحظ وقتو قليل

الشيماء
29-10-2008, 02:56 AM
انتو لسه فوق السطوح ؟!!!

الشتاء داخل وهيجيلكم يا جماعة التهاب رئوي

تسلم نداءتكم واياديكم




لا خلاص ياطبطب :sm2n91:
نزلنا اهو

طلعنا ونزلنا وقالولنا مش راجعين
قلنا على كيفكم , بيتكم ده نن العين
لو بكره حبيتوا تعودوا لمطارحكم
نفرشلكم ف القلب فل وكمان ياسمين


عدانا العيب والا ايه ؟:sm2n36:

الشيماء
29-10-2008, 03:02 AM
طلعت فو ق برج الجزيرة
وقلبى كله حنين وحيرة على الزميل والزميلة
قلت يمكن ألمح أبو قدرى أو هلولة ولا الشحرورة
انده عليهم واقلهم
لازم تبانوا معانا فى الصورة
بعدكم عن المنتدى طال وماله أى ضرورة


:sm2n14: :sm2n14: :sm2n14:
خليك بلاش تطلع حاسب من السكر
بعدين كده تتعب وتبقى متضــــرر
سمعوا الندا وجاوبوا بالرفض ياعمدة
عدانا احنا العيب والحر يتحررررر

اسامه علي
29-10-2008, 03:04 AM
طلعت فوق السطوح وعملت زي القــرد
وعملت عشه وبيت والحارة فضلت ساد
وندهت ياما كتير لو فيه قلوب تسمع
عوضي برب كريم عمره ما ينسى حـــد

طلعت فوق السطوح والهم راكبني
والفكر شغل البال وتمللي تاعبني
حبايبنا غابوا فين للصحبه ليه ناسيين
فاتولي دمع العين والحزن صاحبني

الشيماء
29-10-2008, 03:05 AM
طلعت فوق السطوح ولطيري سبت الخط
مر وقراه وفرفر قال يعني بيعيــــــــــط
يوم ويومين واسبوع باعتلي مخطوطه
وقال عليكي السلام طيرك ف بطن القط

نفضها سيرة بقى :sm2n63:

اسامه علي
29-10-2008, 03:08 AM
طلعت فوق السطوح وكنت انا شاري
حتى اللي بايعني والحب ده كـــــــــاري
عمري ما بعت الناس وقلبي ماهوش سلعة
شاريه انا بعمري وشهودي اشعاري

طلعت فوق السطوح أبص ع الخلان
هربوا بعيد عننا ولا حد منهم بان
دا اللي يجينا هنا يا الف مرحب بيه
واللي أتقمص مننا خليه بعيد زعلان

الشيماء
29-10-2008, 03:09 AM
طلعت فوق السطوح أنعنش النعانيش
اضربلي فوق نفسين يخشو في النغاشيش
خبطني فوق الهوى ووقعت أنا مسطول
أتاريني كنت في حلم والحلم نام ما صحيش

:sm2n70:

ههههههههههههههههههههههههه ههههههههههه

طلعت فوق السطوح واسامة بيشيش
انا قلت يمكن طلع للبيئه بينعنـــــش
شويه ونده بيقول صبح صباح الخيـــــــــــــــــــــ ــــــر
اتاري شيخ العرب , يالهوي بيحششش

:sm2n106:

اسامه علي
29-10-2008, 03:13 AM
طلعت فوق السطوح ولطيري سبت الخط
مر وقراه وفرفر قال يعني بيعيــــــــــط
يوم ويومين واسبوع باعتلي مخطوطه
وقال عليكي السلام طيرك ف بطن القط

نفضها سيرة بقى :sm2n63:


تفضي مين ؟؟؟؟

مش بمزاجك يا شابه هههههههههههههه
اللي حضر العفريت يصرفه

إحنا نكتب وقت ما نحب ونبطل برضو وقت ما نحب

حلو الكلام يا دكتورة صباحك قهوة تركي
من اللي ما عدناش بنشم ريحتها
ا:sm2n18:

الشيماء
29-10-2008, 03:15 AM
طلعت فوق السطوح افرفش الفرافيش

لقيت حبيبي اسامه قافل عليه الشيش

غلبت اقوله نفس يجلي دخانه الهم

فتح القزاز زعلان وقالي يابني مفيش

طلعت فوق السطوح ورحيل كمان صاعد
فرحت قلت ياناس معانا جيل صاعــــــــد
واما لاقيته راح لعند ابو محمود
يطلب حجر انتفضت من همي الواعد
:sm2n26:

هههههههههههههههههه حتى انت يابروتس؟؟؟؟

الشيماء
29-10-2008, 03:19 AM
تفضي مين ؟؟؟؟

مش بمزاجك يا شابه هههههههههههههه
اللي حضر العفريت يصرفه

إحنا نكتب وقت ما نحب ونبطل برضو وقت ما نحب

حلو الكلام يا دكتورة صباحك قهوة تركي
من اللي ما عدناش بنشم ريحتها
ا:sm2n18:

:sm2n1: :sm2n1: :sm2n1:
مع الحجر فيه شاي يعني مفيش قهـــــوة
طالعلي فوق السطوح غفله وعلى سهوة
ومطلع الشيشه , وغاوي الشباب وياك
وتقول صباح الخيــــــــــــر ,وتنعنش الغلوه ؟؟؟؟


نجيب شاي بقى:sm2n1:

اسامه علي
29-10-2008, 03:30 AM
:sm2n1: :sm2n1: :sm2n1:
مع الحجر فيه شاي يعني مفيش قهـــــوة
طالعلي فوق السطوح غفله وعلى سهوة
ومطلع الشيشه , وغاوي الشباب وياك
وتقول صباح الخيــــــــــــر ,وتنعنش الغلوه ؟؟؟؟


نجيب شاي بقى:sm2n1:


طلعت فوق السطوح وساحب الغابه
أنسى الهموم ع السطح والغلب وِهْبَابَه
وِنْعَسِّل الأيام ونعيش مع الأوهام
وِنْطَيَّرْ العصافير م العش وغْرَابَه

الشيماء
29-10-2008, 03:46 AM
طلعت فوق السطوح وساحب الغابه
أنسى الهموم ع السطح والغلب وِهْبَابَه
وِنْعَسِّل الأيام ونعيش مع الأوهام
وِنْطَيَّرْ العصافير م العش وغْرَابَه


هارب من الايام وطالع على سطوحي
ينسى الهموم بدخان ازرق غذا روحي
ويعيش كمان لحظته والغربه وغرابها
ويطنش العصافير برده على بوحـــــي

خلاص كده انت يا ابو العروسة استحقيت القهوة الملوكي المخصوص , خصوصي

http://up.do7a.com/get-9-2008-do7a_com_pfm8kwsi.jpg (http://up.do7a.com)
بالف هنا وشفا يارب:sm2n1:

اسامه علي
29-10-2008, 03:58 AM
هارب من الايام وطالع على سطوحي
ينسى الهموم بدخان ازرق غذا روحي
ويعيش كمان لحظته والغربه وغرابها
ويطنش العصافير برده على بوحـــــي

خلاص كده انت يا ابو العروسة استحقيت القهوة الملوكي المخصوص , خصوصي

http://up.do7a.com/get-9-2008-do7a_com_pfm8kwsi.jpg (http://up.do7a.com)
بالف هنا وشفا يارب:sm2n1:



طلعت فوق السطوح ** وأنا للسطوح بَهْوَا
قعده ترد الروح ** معزوم على قهوه
من إيد ما نعدمها ** يارب سلمها
شيماء يا ست الكل ** جيتلك على سهوه

طيبة
29-10-2008, 04:23 AM
دا انتو يا جماعة خليتوا السطوح جنة

شكلي هعزل من بيتنا و أأجرلي اوضة فوق السطوح

ما تنسونيش بقى في المشاريب و القعدة الرومانسية على ضوء القمر

أحمد عثمان
29-10-2008, 04:49 AM
يا خِلّي يا زعلان
تعال نطلع سوا
سطوحنا ما له بيبان
يصدوا عنه الهوا

احمد ابراهيم
30-10-2008, 10:46 PM
طلعت فوق السطوح وفـ جمالهم سرحت
نادهت عـ اللي فوق ونحت الحروف نحت
بصولي بخفه وذوق تعبت وما ارتحت
قوللي ما سمعنا اللي فوق يلا تحت

الشيماء
31-10-2008, 12:58 AM
:sm2n81: طلعت فوق السطوح ** وأنا للسطوح بَهْوَا
قعده ترد الروح ** معزوم على قهوه
من إيد ما نعدمها ** يارب سلمها
شيماء يا ست الكل ** جيتلك على سهوه


طلعت فوق السطوح ,لمة وليل نعســـان
قهوة وحنين واصحاب والكل كان انسان
موالي لو قال عين الكل قالوا ياليييييييل
من فاتنا بالحسرة هو ال يبات خسران

http://www9.0zz0.com/thumbs/2008/09/12/20/303728388.jpg (http://www.0zz0.com/realpic.php?s=9&pic=2008/09/12/20/303728388.jpg)

يامساء الصحبة الجميلة:sm2n4:

الشيماء
31-10-2008, 01:07 AM
دا انتو يا جماعة خليتوا السطوح جنة

شكلي هعزل من بيتنا و أأجرلي اوضة فوق السطوح

ما تنسونيش بقى في المشاريب و القعدة الرومانسية على ضوء القمر



طلعت فوق السطوح ,شوفت القمر قمرين
قمر هناك ف السما وقمرنا له امريــــــن
يؤمر ويتحكم في مهمة رسميــــــــــــــه:sm2n27:
ويؤمر كمان مرة ع الراس كده وع العين

http://up.do7a.com/get-9-2008-do7a_com_ha1trxm1.jpg (http://up.do7a.com)
كابتشينو وردي لاحلى طيبة ف بر طيبة وسطوحها:sm2n86:

الشيماء
31-10-2008, 01:17 AM
يا خِلّي يا زعلان
تعال نطلع سوا
سطوحنا ما له بيبان
يصدوا عنه الهوا

ع الزعلانين يا احمد بالعالي نادينا
من السطوح والارض يرجع لنادينا
عدانا يعني العيب ,ويبقى العتب مرفوع
مفتوحه اهي ابوابنا وقلوبنا وعنينا

:sm2n87: :sm2n87: :sm2n87:
خلاص بقى:sm2n62:

وقطز لوحده يادوك فعلا

الشيماء
31-10-2008, 01:27 AM
طلعت فوق السطوح وفـ جمالهم سرحت
نادهت عـ اللي فوق ونحت الحروف نحت
بصولي بخفه وذوق تعبت وما ارتحت
قوللي ما سمعنا اللي فوق يلا تحت

طلعت فوق السطوح لاحسن يلوموني
ال تحت والا ال فوق وفيهم يعاتبوني
وسمعت سابع جار ,ولآخر الحارة
وسمعوا الندا وردوا ,عربي وفرعوني


http://www9.0zz0.com/thumbs/2008/09/12/20/303728388.jpg (http://www.0zz0.com/realpic.php?s=9&pic=2008/09/12/20/303728388.jpg)

خلاص بقى يارايق , اشرب قهوة معانا , ربنا يوفقهم مطرح مايكونوا

أحمد عثمان
31-10-2008, 02:02 AM
ع الزعلانين يا احمد بالعالي نادينا
من السطوح والارض يرجع لنادينا
عدانا يعني العيب ,ويبقى العتب مرفوع
مفتوحه اهي ابوابنا وقلوبنا وعنينا

:sm2n87: :sm2n87: :sm2n87:
خلاص بقى:sm2n62:

وقطز لوحده يادوك فعلا
طلعت فوق السطوح و أتاريني متراقب
شباك حبيبي هناك مفتوح و متوارب
صفرت صفارة و رميت له كام وردة
و اتاري ابويا جنبي ع الخد قام طابب


بقولك ايه يا دكترة
ما تيجي معانا
و تبقى مفاجأة الموسم
:sm2n104:

طيبة
31-10-2008, 02:24 AM
طلعت فوق السطوح ,شوفت القمر قمرين
قمر هناك ف السما وقمرنا له امريــــــن
يؤمر ويتحكم في مهمة رسميــــــــــــــه:sm2n27:
ويؤمر كمان مرة ع الراس كده وع العين

http://up.do7a.com/get-9-2008-do7a_com_ha1trxm1.jpg (http://up.do7a.com)
كابتشينو وردي لاحلى طيبة ف بر طيبة وسطوحها:sm2n86:


هههههههههههههههههه

ما يقمورش عليكي عدو يا دودي ...

دا غزل عفيف دا ولا ايه ؟ ههههههههههههه

تسلم الايادي عالكابتشينو الوردي

و الله وزهزهتلك الدنيا وشربتي كابتشينو بمبي يا طبطب

:sm2n96:

طيبة
31-10-2008, 02:30 AM
طلعت فوق السطوح

زعلان اوي ومجروح

لقيت الدنيا حلوة

و الهوا يرد الروح


فنزلوني بالعافية

:sm3n50:

أحمد عثمان
31-10-2008, 02:43 AM
طلعت فوق السطوح

زعلان اوي ومجروح

لقيت الدنيا حلوة

و الهوا يرد الروح


فنزلوني بالعافية

:sm3n50:

و بتقولي ما لكيش في الكتابة
طب بجد بجد
لو أنا الحكم هنا
كنت اديتها الجايزة الاولى
:sm2n83:

طيبة
31-10-2008, 02:52 AM
و بتقولي ما لكيش في الكتابة
طب بجد بجد
لو أنا الحكم هنا
كنت اديتها الجايزة الاولى
:sm2n83:


ههههههههههههههه

رب رمية بغير رام

بس مافيش مانع آخد منك الجايزة الاولى

خصوصا لو مادية

الواحد لازم يأمن مستقبله

:sm3n99: :sm3n99: :sm3n99:

الشيماء
31-10-2008, 03:22 AM
طلعت فوق السطوح و أتاريني متراقب
شباك حبيبي هناك مفتوح و متوارب
صفرت صفارة و رميت له كام وردة
و اتاري ابويا جنبي ع الخد قام طابب


بقولك ايه يا دكترة
ما تيجي معانا
و تبقى مفاجأة الموسم
:sm2n104:

هههههههههههههههه اقولك وما تقولش لحد يادوك ؟ بشويش لاحسن شايفه انا اللي طبطب ع الخد:sm2n3:

نطيت على سطوحهم وحطيت انا اسمي
ولسه بدخل اهو ويادوب وباسمـــــــــي
اسمي ما خدلوش لون وفضل ع الهامش
مشيت كده من سكات والحبسه في دمي

:sm2n62:

الشيماء
31-10-2008, 03:45 AM
طلعت فوق السطوح

زعلان اوي ومجروح

لقيت الدنيا حلوة

و الهوا يرد الروح


فنزلوني بالعافية

:sm3n50:


ههههههههههههههههه حد يقدر ينزلك ؟
ده انا هسجل السطوح باسمك ياطبطب

طلعت فوق السطوح شوفت السطوح حلوة
والدنيا زحمة وناس , وغنوة ورا غنـــــــوة
اتاري طيبه هناك ف مهمة رسميه
واحمد بيديها جايزة على سهــــــــــــــوة

:sm2n23:

مدحت زيدان
31-10-2008, 10:10 AM
:sm2n14: :sm2n14: :sm2n14:
خليك بلاش تطلع حاسب من السكر
بعدين كده تتعب وتبقى متضــــرر
سمعوا الندا وجاوبوا بالرفض ياعمدة
عدانا احنا العيب والحر يتحررررر

سكرى فعلا زيادة وقهوتى بشربها سادة
ممكن يادوك أطلع البرج واضضرر
بس اللى باعنا من قيده يتحرر
لكن زى ماقلتى يابنت عمى
احنا عدانا العيب وربك أعلم بما فى الغيب
هو انا هعول همهم ولا كفاية على همى

طيبة
31-10-2008, 12:50 PM
نطيت على سطوحهم وحطيت انا اسمي
ولسه بدخل اهو ويادوب وباسمـــــــــي
اسمي ما خدلوش لون وفضل ع الهامش
مشيت كده من سكات والحبسه في دمي

:sm2n62:


آدي آخرة النط يا دودي ... نطيتي وكمان مافيش

معاكي واسطة ؟!!

و كسفتاااااه

:sm2n54:

طيبة
31-10-2008, 12:58 PM
ههههههههههههههههه حد يقدر ينزلك ؟
ده انا هسجل السطوح باسمك ياطبطب

طلعت فوق السطوح شوفت السطوح حلوة
والدنيا زحمة وناس , وغنوة ورا غنـــــــوة
اتاري طيبه هناك ف مهمة رسميه
واحمد بيديها جايزة على سهــــــــــــــوة

:sm2n23:


:sm2n69:

آلو يا حكومة ...طبطب بقت صاحبة أملاك

سطوح وجايزة مرة واحدة

فين ضرايب الاملاك ؟!!

الشيماء
31-10-2008, 01:10 PM
:sm2n69:

آلو يا حكومة ...طبطب بقت صاحبة أملاك

سطوح وجايزة مرة واحدة

فين ضرايب الاملاك ؟!!



http://www.350bleecker.com/about/pix02.jpg

سطووووووح طيـــــــــــــبه

اتفضلي معانا امولتي

تشرفي وتنوري

هاتي معاكي وانتي جاية سندويتشات كافيار و سيمون فيميه علشان نفرس جعيدي

اما نشوف هيعمل ايه ؟

انا خايفة يرمي نفسه من فوق السطوح

سطوحنا ضلايه ومين زارنا ميت اهلا
فل وزهور ياسمين واللمه مش سهله
من حبنا حبيناه وصار متاعنا متاعه
ومن كرهنا بقى نديله بالنبلـــــــــــــــه
:sm2n118:

طيبة
31-10-2008, 01:13 PM
طلعت فوق السطوح

أنشر غسيلي

لقيت بنوتة حلوة

واقفة مع طيري

بشاير فرحة هلّة

و زغرودة بتناديلي

:sm2n80:

أي خدمة

شكلي هاخد كل الجوايز

طيبة
31-10-2008, 01:24 PM
http://www.350bleecker.com/about/pix02.jpg

سطووووووح طيـــــــــــــبه



سطوحنا ضلايه ومين زارنا ميت اهلا
فل وزهور ياسمين واللمه مش سهله
من حبنا حبيناه وصار متاعنا متاعه
ومن كرهنا بقى نديله بالنبلـــــــــــــــه
:sm2n118:


يا حلاوة سطوحنا يا جماله

و اتاريني بقول الالهام نازل عليا يرف ليه ؟

بس ايه الشقاوة دي يا دودي ؟

نبلة مرة واحدة ؟

بتعرفي تنشني ؟ ههههههههههههه

:sm2n81:

رحيل
01-11-2008, 07:35 PM
طلعت فوق السطوح انشر سلام لللكل

لقيت عيون في الشمس لقيت قلوب في الضل

لقيت مشابكها بتحيلي فزورة

فتحت شبابيكها وتسألني ايه الحل

الشيماء
01-11-2008, 08:09 PM
يا حلاوة سطوحنا يا جماله

و اتاريني بقول الالهام نازل عليا يرف ليه ؟

بس ايه الشقاوة دي يا دودي ؟

نبلة مرة واحدة ؟

بتعرفي تنشني ؟ ههههههههههههه

:sm2n81:

اومال !!!!

طلعت فوق السطوح والنبله بتقاوح
عبئتها بالعتاد ,قال يعني طير جارح
لفت , ولفت كمان , كسرت قزاز بيتنا
الحاجة بتزعق , نشنت يافالــــــــــــح ؟؟؟!!!

:sm2n118:

الشيماء
01-11-2008, 08:15 PM
طلعت فوق السطوح انشر سلام لللكل

لقيت عيون في الشمس لقيت قلوب في الضل

لقيت مشابكها بتحيلي فزورة

فتحت شبابيكها وتسألني ايه الحل

:sm2n43: :sm2n43: :sm2n43:
الله عليك يا ابو آدم

طلعت فوق السطوح انشر قلوب بيضــه
مغسوله م الاحقاد والخنقة والغيظـــــه
وعطورها بتهفهف دفا وآمان للكل
من بدعها تشوفها ضله وتنهيـــــــــده

اسامه علي
01-11-2008, 08:42 PM
طلعت فوق السطوح أشق على عشتي
وقت العصاري تمللي تحلالي فوق قعدتي
لمحت ديك الجيران عايز ينط الحيط
عمال يسبل عنيه بيبص على فرختي

اسامه علي
01-11-2008, 08:51 PM
طلعت فوق السطوح يمكن اشوف القمر
غايب بقالو يومين ولا سابلي حتى خبر
بصيت بعيني لقيت سحابه فوق البيت
من قلب قلبي دعيت نَزِّل يارب المطر

اسامه علي
01-11-2008, 08:57 PM
طلعت فوق السطوح أناجي فوق خللي
مشتاق قوي لقعدته وأقوللو ويوقوللي
غايب بقالو زمان الحلو ليه تقلان
مالهم كده الخلان مش مشتاقين ضللي

الشيماء
02-11-2008, 02:26 AM
طلعت فوق السطوح أشق على عشتي
وقت العصاري تمللي تحلالي فوق قعدتي
لمحت ديك الجيران عايز ينط الحيط
عمال يسبل عنيه بيبص على فرختي


ههههههههههههههههههههههههه ههههههههههههههههههههههه
:sm2n67:

ضحكتني بجد والله يا ابو سندس, ربنا يسعدك يارب

طلعت فوق السطوح بالصبح او بالليل
ورفعت فيها شعار يمنع هنا التسبيـــل
بالذات ديوك الجيران ,والا,دمه يسيح
والتار ولا بالعار , لو حتى فيها قتيل
:sm4n16: :sm4n16: :sm4n16:

الشيماء
02-11-2008, 02:32 AM
طلعت فوق السطوح يمكن اشوف القمر
غايب بقالو يومين ولا سابلي حتى خبر
بصيت بعيني لقيت سحابه فوق البيت
من قلب قلبي دعيت نَزِّل يارب المطر

طلعت فوق السطوح شوفت القمر ع الحيط
نزل وساب السما ,سطوحنا بقتله بيـــــــت
انا قلت نورتنا , اهلا ياعم القمـــــــــــــر
رد القمر فرحان ,اللي يسيبكو عبيـــــــــط
:sm2n29:

احمد ابراهيم
06-11-2008, 06:24 PM
طلعت فوق السطوح انده يا شربيني
دليل الرمز مدلوله ولو بعد عن عيني
قالو اللي بعيد عن العين .. قولتلهم لا
مقدرش لواقول احساس قلبي يجافيني

احمد ابراهيم
22-09-2010, 07:13 PM
طلع فوق حدود القول بالحس في قلبي

يمكن في مره انول مرادي الحبايب جبني

واشوف قلوب الطييبن متجماعين ومنوريين

لم تعود قلوب تغيب قلوب ليه بس يا ربي

أحمد الشربينى
22-09-2010, 07:29 PM
طلع فوق حدود القول بالحس في قلبي


يمكن في مره انول مرادي الحبايب جبني

واشوف قلوب الطييبن متجماعين ومنوريين


لم تعود قلوب تغيب قلوب ليه بس يا ربي

الأخ الغالى
احمد ابراهيم
الرايق
جميلة تلك الكلمات
وتلك المشاعر الطيبة
وكنت اتمنى ان يكون ردى شعرا
انتظرنى اخى الغالى
احمد الشربينى

أحمد الشربينى
22-09-2010, 08:04 PM
طلعت فوق السطوح انده يا شربيني









دليل الرمز مدلوله ولو بعد عن عيني
قالو اللي بعيد عن العين .. قولتلهم لا
مقدرش لواقول احساس قلبي يجافيني


http://im1.gulfup.com/2010-09/12851724161.jpg (http://www.gulfup.com/)


طلعت فوق الســـــطوح لكن على عينى
طالب من الرحمـــن للصـــح يهــــــدينى
وأشوف وجوه الناس مليانه بالاحساس
سمعت صوت الحق ســـاكن فى تكوينى

http://im1.gulfup.com/2010-09/12851707742.jpg (http://www.gulfup.com/)

احمد ابراهيم
23-09-2010, 07:19 PM
الأخ الغالى

احمد ابراهيم
الرايق
جميلة تلك الكلمات
وتلك المشاعر الطيبة
وكنت اتمنى ان يكون ردى شعرا
انتظرنى اخى الغالى

احمد الشربينى

اسعدني ردك جدا يا مدرسه
وانا في انتظار رد حضرتك
اسمى ايات الحب والتقدير

احمد ابراهيم
23-09-2010, 07:54 PM
http://im1.gulfup.com/2010-09/12851724161.jpg (http://www.gulfup.com/)




طلعت فوق الســـــطوح لكن على عينى
طالب من الرحمـــن للصـــح يهــــــدينى
وأشوف وجوه الناس مليانه بالاحساس
سمعت صوت الحق ســـاكن فى تكوينى


http://im1.gulfup.com/2010-09/12851707742.jpg (http://www.gulfup.com/)

صــــوت الحـــق بينادي علي اصحـــابه
والطيبيـــــــن بس همــــــا اللي احبابه
ضعيف صـــــوت الحق ف غياب الخـلان
ماتجي ننادي بالحب ونرجع كلنا لرحابه

ام مدحت الشرقاوى
23-09-2010, 10:11 PM
طلعت فوق السطوح ونديت على الغالى
صوتى ارتفع بالنوح والدنيا بصّالى
لاكلمة وصلت ولا ردّيت ياعيونى
والناس لامونى وانا بابكى على حالى

على عبداللاه
23-09-2010, 10:38 PM
طلعت فوق السطوح ونديت على الغالى
صوتى ارتفع بالنوح والدنيا بصّالى
لاكلمة وصلت ولا ردّيت ياعيونى
والناس لامونى وانا بابكى على حالى


طلعت فوق السطوح مدبوح من احبابى
قلبى خفق مجروح .. آه يا مرى ياعذابى
بيبنى وبين الحبيبه سور بنيناه أنا وهى
إمتى يزول السور ويروح وأفتحلها بابى
♥♥ ▐▐ ♥♥

على عبداللاه
23-09-2010, 10:49 PM
طلعت فوق السطوح بصيت على الغيه
لقيت حمام بينوح .... طفحان ملاغيه
لا منه حن الحبيب ولا يوم بعد عنه !!
وليه يا حمام السطوح مش لاقى حنيه

على عبداللاه
23-09-2010, 11:05 PM
http://3.bp.blogspot.com/_KUg4xU-Gx80/Sc9SPrv7GdI/AAAAAAAAAB4/tYktuOmJ3M0/s400/mugds.png


طلعـت فوق السطـوح أخـد عـ البلـد بصـه
لقيت ميزان العـداله مال بقت قصـته قصه
حزنى كبر عـ الشعـوب بلبعـت ياما حبوب
ناديت يا ضميرالبلد ياريت تعدل وتتوصى

:sm2n88:

حمدى شبانة
24-09-2010, 12:08 AM
طلعت فوق السطوح أطل عاللى تحت
لقيت حبايبى بينهم قولت ياقلبى ارتحت
فضلت أنده عليهم ..... ولا حد سامعنى
جوايا خرج حكيم قاللى : ماتنزل تحت !:co4ol:

أحمد الشربينى
24-09-2010, 12:30 AM
طلعت فوق السطوح ونديت على الغالى
صوتى ارتفع بالنوح والدنيا بصّالى
لاكلمة وصلت ولا ردّيت ياعيونى
والناس لامونى وانا بابكى على حالى

طلعت فوق السطوح وانا بالى كان خالى
فلقيت حبيب الـــروح .بيطـــل م العــــالى
الفـــكر راح لبعيد, فى بداية المـــــواعيد
أتاريهـــــا بنت الإيه .. حســـت بأحوالى

أحمد الشربينى
24-09-2010, 12:57 AM
طلعت فوق السطوح مدبوح من احبابى
قلبى خفق مجروح .. آه يا مرى ياعذابى
بيبنى وبين الحبيبه سور بنيناه أنا وهى
إمتى يزول السور ويروح وأفتحلها بابى
♥♥ ▐▐ ♥♥

طلعت فوق السـطوح , يمكن أنول طله
والقلب كان مجــروح واشـــــتدت العله
من قسوة الحرمان القلب كان عطشان
شــاوريتلى بإيديها وانا عينى ع القلــة

على عبداللاه
24-09-2010, 02:07 AM
طلعت فوق السـطوح , يمكن أنول طله


والقلب كان مجــروح واشـــــتدت العله
من قسوة الحرمان القلب كان عطشان

شــاوريتلى بإيديها وانا عينى ع القلــة



مش عارف أقولك أيه
إنت مالكش حل
شاعر حتى النخاع

خد دى


طلعت فوق السطوح أنده عليك يا جميل
قلبى لقاك الروح وقلت عشانك المواويل
أهرب يا منى عينى...ألقاك فى شرايينى
عايش أنا مجروح ما بنمشى طول الليل

على عبداللاه
24-09-2010, 02:18 AM
طلعت فوق السطوح أطل عاللى تحت


لقيت حبايبى بينهم قولت ياقلبى ارتحت
فضلت أنده عليهم ..... ولا حد سامعنى

جوايا خرج حكيم قاللى : ماتنزل تحت !
:co4ol:


شديده أوى الرباعيه دى يا أستاذ حمدى
بسم الله ما شاء الله عليك
أمسك الخشب بقه
خد دى
:sm2n31:

طلعت فوق السطـوح أنشر كلام مبلول
عن حبيـب الروح فاضـحو أنا علطـول
يا هلترى بعد دا ياحبيب راح تسامحنى
ولا لحبات السماح عـمرى أنا ما هنول
:sm2n79:

حمدى شبانة
24-09-2010, 11:17 PM
الأستاذ الكريم / على عبد اللاه
مساْء الفل عالناس اللى زى الورد

رباعية الديك
طلعت فوق السطوح أظبط ياعلوة الدّش
لمحت فرخة وديك بيحبّوا جوَّة العش
بصّيت عليهم ونا من أمْرهم مبهور !
نظر عليًّة الديك وقاللى : إبعد هش
:sm2n43:

أحمد الشربينى
25-09-2010, 12:40 AM
طلعت فــوق الســـطوح أطل عاللى تحت


لقيت حبايبى بينهــم قولت ياقلبى ارتحت
فضلت أنده عليهم ..... ولا حد سامعنى

جوايا خرج حكيم قاللى : ماتنزل تحت !
:co4ol:



طلعت فـــوق الســـطوح طهقان من اللى تحت
طول عمرى غاوى طلوع والناس بتفحت فحت
واما طلعت لفــــوق .. مالقتش بيننا فــــــروق
إخى عليك يازمــان .. ياريت ماجيت ولا رحت

على عبداللاه
25-09-2010, 01:28 AM
الأستاذ الكريم / على عبد اللاه
مساْء الفل عالناس اللى زى الورد

رباعية الديك
طلعت فوق السطوح أظبط ياعلوة الدّش
لمحت فرخة وديك بيحبّوا جوَّة العش
بصّيت عليهم ونا من أمْرهم مبهور !
نظر عليًّة الديك وقاللى : إبعد هش

:sm2n43:


الأستاذ الصديق المحترم / حمدى شبانه
مساك زى الفل
والفل أنواع
وإنت أحلى نوع فيهم
مكنش لازم تستنى لما الديك يقولك هش

خد دى

طلعت فوق السطوح أرمى الحبوب للفراخ
قابلنى ديك مجـروح لف السطـوح لما داخ
طمعـان فى قرب الحبيــبه ولا هيا باصـاله
لفلف وراها العشش يترجى لما شكله باخ

على عبداللاه
25-09-2010, 01:34 AM
طلعت فـــوق الســـطوح طهقان من اللى تحت
طول عمرى غاوى طلوع والناس بتفحت فحت
واما طلعت لفــــوق .. مالقتش بيننا فــــــروق
إخى عليك يازمــان .. ياريت ماجيت ولا رحت




رباعيتك جت رد قوى يا أستاذ أحمد
بسم الله ما شاء الله عليك
شاعر متكرع شعر
هههههههههههههههههه

احمد ابراهيم
25-09-2010, 07:46 PM
طلعت فوق السطوح
اكون من العلا اقرب
زاغت عينيه من النور
نزلت جري اهرب

سعدالشرقاوى
25-09-2010, 11:41 PM
طلعت فوق السطوح ولــّعتلى سجارة
طار الشرار منــّها على شقة الجارة
رقعت ياناس بالصوت م الخرعه كنت هاموت
حصّلنى كام نبّوت وانا باجرى فى الحارة

سعدالشرقاوى
02-10-2010, 04:03 AM
طلعت فوق السّطوح بصّيت على الحارة
لقيتها خاليه من السّكان ياخسارة
والشمس واقفه وجار منها القمر قاعد
اتارى واحد حاططلى البانجو فى سجارة

عفاف سليمان
02-10-2010, 12:28 PM
والله السطوح بتاعكم ده جميل جدا:sm2n86:
شاف كتير وكتير وعتاب لاحباب غايبين:sm2n104:
خدونى جمبكم فوق السطوح :sm2n122:
سطوحكم كله هوا يرد الروح:sm2n81:
يمكن يعدى الغالى ولا يروح
ويملى قلبى حنان ويملى الروح
طلعت فوق السطوح اغنى:sm2n86:
على فراق حبيبى يا ناس تاه منى
مش عارفه هيرجع تانى ويهنى
ولا قلبه نسى العين والنينى:sm2n81:

طارق العمرى
02-10-2010, 03:52 PM
طلعت فوق السطوح هربان من الداينين
سوى الجيران فى الهوى و زيِّنا ملايين
لا معانا حق النشوق ولا لفة الدخان
الله يجازى اللى خان و كان سبب فى الدين

ماهر حامد
02-10-2010, 07:21 PM
طلعت اخر سيجارة في علبتي وقلت يلا كويسه
نام المسى وكل الخلايق متونسى انا قلت يا مين
يوانس وحدتي ؟؟؟؟؟
اذا كان اخر سيجارة هي كمان طلعت منفسه

طارق العمرى
04-10-2010, 02:11 PM
طلعت فوق السطوح من زهقى م اللى تحت
شفت القمر مهموم ما سمعنى لما بُحت
و حكيت شكيت م الهوى لما الهوى صابنى
لا منى انا إتفكيت و لا منى برضه إرتحت

سعدالشرقاوى
03-11-2010, 04:46 PM
طلعت فوق السطوح وناديت ياجرانى
زعلان قوى منـّكم والنفس وخدانى
ردّ الكبير عندهم وقاللى جرالك ايه
قلت انت فين من زمان ومراتى خنقانى

سعدالشرقاوى
04-11-2010, 11:29 AM
طلعت فوق السطوح أسلك المواسير
مليانه ميّة مطر ومعطـّله المواتير
مخزونه على سطحنا من الشتا اللى فات
وروحت أدفع لقيتها مضافه ع الفواتير

سعدالشرقاوى
05-11-2010, 12:03 PM
طلعت فوق السطوح ولقيت غراب البـين
عامل له عشــّه وساكن من سنة ستين
مواليده قبلى وحافظ عهده ملازمنى
مانواش يسيــبنى وانا عايش ولو ساعتين

سعدالشرقاوى
06-11-2010, 04:22 PM
طلعت فوق السطوح وبكيت على حالى
وقلبى اللىّ بات مجروح والكل عزّالى
روحت اشتكيت الالم للفقر ماسمعنى
واتخلىّ عنىّ وقال لى طاب وانا مالى

ام مدحت الشرقاوى
14-11-2010, 02:31 AM
طلعت فوق السطوح والجو عال العال
شوفت الحمام بينوح عنـّيت له كام موّال
وكتبت اسمك حبيبى رساله فى جناحه
بطــّل نواحه وطار ماجاويـبش أىّ سؤال

الجوهرة
16-11-2010, 12:00 PM
طلعت فوق السطوح وقلت وادى قعدة
حاولت الف شعر لكن مفيش فايدة
وقلت خلاص بقة يكفينى فخر انى اخت العمدة

سعدالشرقاوى
17-11-2010, 07:43 PM
طلعت فوق السطوح وقلت وادى قعدة
حاولت الف شعر لكن مفيش فايدة
وقلت خلاص بقة يكفينى فخر انى اخت العمدة
طلعت فوق السطوح بصّيت يمين وشمال
والجو يومها لذيذ غنيت لى كام موّال
ونظرت جنبى لقيت الجوهره واقفه
هلـّت نسايم ربيع والدنيا صبحت عال

ام مدحت الشرقاوى
24-11-2010, 11:43 AM
طلعت فوق السطوح من زهقى م اللى تحت

شفت القمر مهموم ما سمعنى لما بُحت
و حكيت شكيت م الهوى لما الهوى صابنى

لا منى انا إتفكيت و لا منى برضه إرتحت



طلعت فوق السطوح قاصد أعشىّ البطّ
لقيت الفراخ بتنوح م الجوع انا عيّط
هجمت عليّه الطيور خطفوا العشا منىّ
وكسروا سنىّ وحاسس ان انا اتـشلفط

طارق العمرى
25-11-2010, 01:53 PM
طلعت فوق السطوح قاصد أعشىّ البطّ
لقيت الفراخ بتنوح م الجوع انا عيّط
هجمت عليّه الطيور خطفوا العشا منىّ
وكسروا سنىّ وحاسس ان انا اتـشلفط

طِلعت فوق السطوح شُفت أم مدحت فوق
بتربى أورطة طيور قاصدة تبيع فِ السوق
جولها بتوع البيئة .... بكام تهمة و تلفيقة
يا عينى على قلبها على بطها ... محرووق

ام مدحت الشرقاوى
25-11-2010, 02:24 PM
طِلعت فوق السطوح شُفت أم مدحت فوق


بتربى أورطة طيور قاصدة تبيع فِ السوق
جولها بتوع البيئة .... بكام تهمة و تلفيقة

يا عينى على قلبها على بطها ... محرووق

طلعت فوق السطوح وناديت على سلمى
تدبح معايا الديك والدنيا كات ضلمه
جرا منـّنا بالليل ورّانا يومها الويل
والبنت بالها طويل سكـّنتى كات تالمه

طارق العمرى
27-11-2010, 10:36 AM
طلعت فوق السطوح وناديت على سلمى
تدبح معايا الديك والدنيا كات ضلمه
جرا منـّنا بالليل ورّانا يومها الويل
والبنت بالها طويل سكـّنتى كات تالمه

هى الطيور تندبح فوق السطوح بالليل؟!!
الدنيا برد و هوا و القِرْ نازل سيل
و سلمى لو طلعت سطوح ها تطيح
لو ع الكرم يا أم مدحت ... و الله مالك مثيل

سعدالشرقاوى
27-11-2010, 01:56 PM
هى الطيور تندبح فوق السطوح بالليل؟!!

الدنيا برد و هوا و القِرْ نازل سيل
و سلمى لو طلعت سطوح ها تطيح

لو ع الكرم يا أم مدحت ... و الله مالك مثيل

ياعم تدبح لمين دى كلها اشاعات
وطيورنا فوق السطوح ماليـينه بالخيرات
سايبانى وانا هفتان وغموسى بـبدنجان
خايف يجينى جنان محسوب على الاموات

طارق العمرى
27-11-2010, 05:21 PM
ياعم تدبح لمين دى كلها اشاعات
وطيورنا فوق السطوح ماليـينه بالخيرات
سايبانى وانا هفتان وغموسى بـبدنجان
خايف يجينى جنان محسوب على الاموات


دى غلطتك يا كبير سبت السطوح محتل
ما هو لو طلعت السطوح نمط الغِذا يِختَلْ
و الريش يهيش فى البلد من شرقها للغرب
و الدم يملا الكفوف خمسة فى عين الكل
*****
لكن دا حالك و حالنا ضيوف ف بيت الست
و خدامين السيادة إن كان ولد أو بنت
م الفجر لما العِشا نجرى ورا الأرزاق
و الخُلق ضاق م الضنى أما الدماغ بِيْشِتْ

ام مدحت الشرقاوى
28-11-2010, 02:25 AM
طلعت فوق السطوح وف ايدى حبل غسيل
رصّيت عليه الهدوم والدنيا كانت ليل
جانى هوى حبّـكم طيّرلى كام حتـّه
والحارة ساكته وانا وحدى باقول مواويل

محمد ابو يوسف
28-11-2010, 04:27 PM
طلعتم فوق السطوح وحلفت مانا طالع
ولا رايح انتخابات لاحسن أكون ... ضالع
وقلت يا روح انتى أبدا ما بعدك .. روح
ما بشترى وببيع أما اللسان ...... بالع

ام مدحت الشرقاوى
29-11-2010, 02:09 PM
طلعت فوق السطوح هدّيت يُفط يامه
لزقينها فوق الحيطان دهنينها بعلامه
لمرشحين بالكوم مش عارفه اضوق النوم
واتارى زىّ اليوم الجولة متعاده

طارق العمرى
30-11-2010, 09:18 PM
طلعت فوق السطوح سمعته عالى النوح
بدال هديل الحمام فوق السطوح و الدوح
يا بلدنا ليه مالك واخدة طريق المهالك
حاولت فيكى و سماح ياروح مابعدك روح

سعدالشرقاوى
02-12-2010, 02:15 AM
طلعت فوق السطوح وسألت ع الاخبار
قالوا الهريدى نجح هايعيد مع ازهار
وفيه ايعادة مابين البغل والابريق
عجبنى صوت النهيق غيّرت رمزى حمار

محمد ابو يوسف
02-12-2010, 02:28 AM
منا قولت لك يا سعد هريدى واد ناجح
من غير بروق ولا رعد ما حماصه امبارح
نجح وهيص وزقطط وفرق كمان شربات
واللى يعادينا يا سعد والله ماهو فالح

ام مدحت الشرقاوى
05-12-2010, 11:28 PM
طلعت فوق السطوح باصص بعينى لفوق
قاصد نجوم السما وف قلبى لهفه وشوق
لقيتها كتبت حبيبى للقمر اسمك
وسمعت حسّك نزلت بسرعه قبل مافوق

سعدالشرقاوى
30-12-2010, 12:26 PM
طلعت فوق السطوح بصّيت على الحارة
لقيت عجوز اتحنى بيشدّ فى سيجارة
وصبيّه مايعه بتـترقـّص مع المحمول
وعامل لى ابن اصول بيعاكس الجارة

محمد ابو يوسف
30-12-2010, 01:02 PM
طلعت فوق السطوح أدور على المفتاح
لقيته فى أيد عصبة نور ......... أشباح
قلت لهم هاتوا مفتاحى قالوا لى . ليه
قلت لهم لأن بيتى كله تعب .. وجراح

سعدالشرقاوى
06-01-2011, 04:32 AM
طلعت فوق السطوح شوفت السحاب من فوق
لقيته شايل مطر باين ماهش هايروق
نزلت اجرى أجهــّز كل طلباتى
واجيب حجاتى واحوّل كل شئ م السوق

سعدالشرقاوى
25-01-2011, 04:44 PM
طلعت فوق السطوح بصّيت ليمْ الغرب
لمحت ثورة فى تونس بس من غير حرب
نزلت اجرى واقول لسّه العرب احرار
بيفضوّا عيشة المرار فى المعتقل والضرب

سعدالشرقاوى
13-03-2011, 04:01 AM
طلعت فوق السطوح والامن كان مفلوت
طيورنا غاب نصّها وماعادش ولا كتكوت
نزلت أجرى وانادى ع الجيران يصحوا
وكل واحد يجيب سكينه أو نبّوت

ام مدحت الشرقاوى
19-03-2011, 01:49 AM
طلعت فوق السطوح بصّيت على البحرين
لقيت جيوش فى الميدان بتقتـّل الغاليين
ساعتها فكرو انشلْ حسيت بطعم الذًّل
الشعب صار محتل من خادم الحرمين

سعد الدين كامل
23-03-2011, 03:38 AM
اها ضرب الجبان بيدة
شايف نفسة عزيزه
مادد على الحر يدة
العبد من طبع سيده

أحمد الشربينى
23-03-2011, 06:50 AM
اها ضرب الجبان بيدة
شايف نفسة عزيزه
مادد على الحر يدة
العبد من طبع سيده
اخى الشاعر
سعد الدين كامل
مرحبا بك هنا وهناك
وجميل هذا المربع من فن الواو
ولكن شروط هذا القسم
ان تدخل فى الرباعية جملة
طلعت فوق السطوح
اكرر ترحيبى
احمد الشربينى

أحمد الشربينى
23-03-2011, 07:01 AM
طلعت فوق السطوح أنده على الغاليين
القلب كله جروح , والدمــع جوه العين
ماعرفش غايب ليه. ولاحتى فين ألاقيه
أم أنى هنت عليـــه, مع ان متعاهـــدين

سعدالشرقاوى
23-03-2011, 03:03 PM
طلعت فوق السطوح بصّيت ليمّ الغرب
لقيت حمام مدبوح نازلين عليه بالضرب
ليه بسْ يامعمّر شعبك بـيتدمّر
واقف ومتسمّر طوّلت ليه الحرب

سعدالشرقاوى
25-03-2011, 06:54 PM
طلعت فوق السطوح آخد نفس من فوق
والشمس حلوه لقيت روحى أخدها الشوق
والورد ريحته عبير جايب من التحرير
ثورة وفيها الخير والدنيا ناويه تروق

ام مدحت الشرقاوى
01-04-2011, 07:45 PM
طلعت فوق السطوح بصّيت على الميادين
لمحت فى التحرير رجّاله بالملايين
جايين يصحّوا الزمن ويشيلوا عنىّ المحن
وان كات حياتهم تمن يامصر مش راجعين

الشيماء
01-04-2011, 11:38 PM
طلعت فوق السطوح وقابلت احبابي
رجعوا اتاري العش وتني ف غيابي
سامحوني مابعتكم لا ف ترب او تبر
كان غصب عني بقى راح تغفروا غيابي؟
:sm2n102:

أحمد الشربينى
02-04-2011, 12:21 AM
طلعت فوق السطوح وقابلت احبابي
رجعوا اتاري العش وتني ف غيابي
سامحوني مابعتكم لا ف ترب او تبر
كان غصب عني بقى راح تغفروا غيابي؟
:sm2n102:

الغالية
دكتورة شيماء
كنت الغائبة الحاضرة
وطبعا مسامحينك ع الغياب
وانتى ياما سامحتينا
انما انتى منورة
احمد الشربينى

الشيماء
02-04-2011, 12:51 AM
الغالية
دكتورة شيماء
كنت الغائبة الحاضرة
وطبعا مسامحينك ع الغياب
وانتى ياما سامحتينا
انما انتى منورة

احمد الشربينى




طلعت فوق السطوح تقلشي حرامي غسيل
لقيت على الفيديو لقا ويه سبع الليـــــــــــل
ابو قدري ف افلام بقى ومزيعه متصربع _قاله المعري مين ؟ ده انت اللي متربع
ف رباعيات تلاقيك ف فلسفه وافظزع
وبكل فنون الشعر نقصرك _يالييييييييييييييييييييي ييييل
ونطولك ياليييييييييييييييييييييي يييييييييل
:sm2n81:

هالة مندي
02-04-2011, 01:34 AM
طلعت فوق السطوح وقابلت احبابي
رجعوا اتاري العش وتني ف غيابي
سامحوني مابعتكم لا ف ترب او تبر
كان غصب عني بقى راح تغفروا غيابي؟
:sm2n102:

سيدة القصر ،
أستاذتنا العزيزة ،
الشيماء ،
عودًا أحمدا
مسامحينك
وياريت تسامحينا كمان
على فترة غيابنا السابقة .

منورة بيتك .

ام مدحت الشرقاوى
02-04-2011, 10:28 PM
طلعت فوق السطوح كان يومها عندى سبوع
علشان أعشىّ الحيوان احسن يموت م الجوع
بصيت لقيت الحبايب من بعيد جايين
لقيتنى باجرى بحنين على صاحبة الموضوع

سعدالشرقاوى
14-04-2011, 03:13 AM
طلعت فوق السطوح آخر النهار حرّان
خلليت عنيّه تروح وتبصْ ع الميدان
لقيت جمال واخوه بعد الجنود ماجابوه
مربوط فى ايده ابوه بينادوا ماما سوزان

سعدالشرقاوى
14-04-2011, 03:13 AM
طلعت فوق السطوح آخر النهار حرّان
خلليت عنيّه تروح وتبصْ ع الميدان
لقيت جمال واخوه بعد الجنود ماجابوه
مربوط فى ايد ابوه بينادوا ماما سوزان

احمد الشرقاوى
20-04-2011, 05:05 PM
طلعت فوق السطوح انشرك ياغسيل
طالعة ياناس عينى وهمى كبير وتقيل
مراتى غاوية ياناس اغسلها وانشر
وان مرة قولت انا لاء ساعتها قول يارحيل
:sm2n33::sm2n33::sm2n33::sm2n33:

ام مدحت الشرقاوى
22-04-2011, 05:37 PM
طلعت فوق السطوح بصّيت على احبابى
ولقيت روايح زهور بتطل على بابى
انا قولت مين عندنا قالوا ماما تغريد
نزلت أجرى وأفرّح كل أصحابى

سعدالشرقاوى
27-04-2011, 05:16 PM
طلعت فوق السطوح شمّيت نسيم النصر
الريحه كات بتفوح تملى جناين مصر
حسّيت بشوق وحنين لو كل يوم ساعتين
ساعه فى نص الليل والتانيه بعدالعصر

سعدالشرقاوى
09-06-2011, 12:48 PM
طلعت فوق السطوح بصّيت على التحرير
ولمحت دم الشهيد فاتح بلون الخير
والنيل بيضحك ويتمايل مع الغنوه
ومصر حلوه وفى العالم مقامها كبير

سعدالشرقاوى
23-06-2011, 08:41 PM
طلعت فوق السطوح انظر لخلانى
والقلب كان مجروح ولا حسّهم جانى
نزلت ابكى على السّلم وانا مهموم
وكان فى قلبى الهموم فاضت على جيرانى

حسن النجار
07-09-2011, 03:22 PM
سمعت فوق السطوح صوت بيندهلى
طلعت اجرى واقول الصوت دا صوت اهلى
يا كل طيبة وناسها انتم وحشتونى
انا عمرى ما ابعد عن ارضى وعن اصلى


حسن النجار

سعدالشرقاوى
16-09-2011, 04:11 AM
طلعت فوق السطوح والمحكمه بانت
لقيت كرامة الشباب يوم حكمهم هانت
حتى القلوب كلها كرهت عمايلهم
والنفس صابهاالقرف من فعلهم عامت

سعدالشرقاوى
18-09-2011, 04:19 PM
طلعت فوق السطوح بصّيت على التحرير
لقيت مطر فى السما شايلاه سحابة خير
وبنات كتير سارحه ومزوّقه الطـّرحة
عنـّيت من الفرحه وغنـّا معايا الطير

حسن النجار
15-11-2011, 10:47 PM
طلعت فوق السطوح بصّيت على التحرير
لقيت مطر فى السما شايلاه سحابة خير
وبنات كتير سارحه ومزوّقه الطـّرحة
عنـّيت من الفرحه وغنـّا معايا الطير
طلعت فوق السطوح ابص ع الثورة
قالولى فيه اذناب لارازل الدولة
ماشيين يا خال فى البلد بيخربو فيها
والناس يا خال فيها ولا قوة ولا حولة

سعدالشرقاوى
16-11-2011, 11:26 AM
طلعت فوق السطوح والدنيا بردانه
يظهر ضربنى الهوى وأخدت برد آنه
طاب ايه دفعنى آخدها جرى ع السلم
يارب سلم عشان الصحة تعبانه

سعدالشرقاوى
18-12-2011, 03:28 AM
طلعت فوق السطوح شوفت المظاهره شباب
مغلوب على أمرهم بيشاركوا فى الاضراب
طاب ليه نهدْ البلد والامر بايدينا
والنصر ينده علينا ماينفتحولو الباب