آه يازمانى لو امكانى
أعود من تانى لأحلى سنين
وتقدر يعنى انّ ترجّعنى
أبصّ ورايا سنة ستين
اشوف السّاقية تلفّ الطارة
وأعشق كلّ بنات الحارة
وأشبك أملى على السّنارة
وحنش الطعم ف لحف الطين
,,,,,,
عند المورده ساعة عصريّة
وأحلى صبيّه بتغسل غلـّه
واعمل حيلة وفكرة جميله
أقول عطشان تناولنى القله
واشرب وانا مكسوف ع ألآخر
والخطوات منىّ بتتـّاخر
والحب ف قلبى مالوش آخر
وف ايدى كام ورده وفلـّه
,,,,,,
لها ضحكه بتدّاره ف خوفها
لو ابوها بالصدفة يشوفها
ورسالة بالشوق توصلنى
فى حكاية بتنطق بكسوفها
تتردّد فى ودانى الحاكية
وانا باشرب من شاى الراكيه
واحايل فى انين الساقية
لو تطلع م الدار واشوفها
,,,,,,,
كل الكون حواليّه شديد
قلبى حديد والصحّة تمام
واسهر اقلــّع حطب القطن
وبعد الفجر العين ماتنام
واخلط م البرسيم ع القش
وانصب شبكه ف وشّ الحشّ
واجرى اتخبىّ ف وسط العش
واسحب صيدى بحبل يمام
,,,,,,,,
واروّح شايل أفكار
مداريها عن طوب الدّار
واستغرب على حب الليل
وانا نفسى يكون كله نهار
وأعاود وحنينى معاى
واتجرّأ وأقول أنا جاى
عايز اشرب من ايدها الشاى
وأكمّل بيها المشوار
,,,,,,,
الكلمه بتتأوّل بينا
وبنضحك والجو نسيم
وبنحكى مع ناس حوالينا
والحركه لها معنى وسيم
ع الحيطه غرابيل ومناخل
وحصيرة بسراكون مدّاخل
والفونية اتكتمت م الدّاخل
سلـّكها عود البرسيم
,,,,,,,
والشـّمل اتجمّع على طول
بفرحنا فى حصيدة الفول
زفوّنا بالطبل البلدى
وحلاوة صوت الأرغول
والقمر البايت سهران
يتفرّج على لعب الزّان
والزرع بيرقص فرحان
ولا لينا فى الدنيا عزول
,,,,,,,
وهانجنى طرح محبتنا
ونعيشوا بمودّة ورحمة
والحب يزوّق باب بيبتنا
وولادنا راح يعملوا زحمه
وهاتعمل بوصيّة أمى
وتشقـّر على ابويا وعمى
ومسافة المولود مايسمىّ
مش حالق ولا شارى اللحمه
,,,,,,,,
وأساهم فى سبع حبّات
وخميسه علشان عنيات
فى حجابها المشبوك فى حزامها
ونرقيها من عين جملات
فى سبوعها هانطبخ تحابيش
والشرّ يروّح مايجيش
والمنخل فيه كسرة عيش
لو يرجع من دار بركات
,,,,,,,
ونحافظ على صورة النخله
والسبع المرسوم ع الدار
ونزوّق قدّامها الدّاخله
بزراعة شجرة صبّار
ونعيشوا فى فى تبات ونبات
ونخلف صبيان وبنات
وساعتها نقول لك سلامات
متشكر على أحلى نهار
,,,,,,,
اه يا عمدة لو الأيام دى ترجع ؟؟
بس مش هاتبقى عمدة صح؟
========
اشوف السّاقية تلفّ الطارة
وأعشق كلّ بنات الحارة
========
وايه حكاية تعشق كل بنات الحارة دى
لا لا ما يصحش
سعيد انى أول من يرد
عاوزنا نرجع زي زمان
قول للزمان ارجع يا زمان
وهاتلي قلب لا داب ولا حب
ولا انجرح ولا داق حرمان
الاستاذ المتألق الشاعر سعد الشرقاوي
اماني وعجباني وقد يتمنا اي امرء
ان يرجع به الزمان ولكن
واهين من لكن
زال الشباب وانقضت ايامنا
ومضت سنون العمر من اقدارنا
فهل للشباب يعود يوم من جديد ؟ وعجبي
قراءت هنا نص وعمل فني رائع
تعالي نمزح
وأعشق كلّ بنات الحارة
ايه العبارة
انا شايف عنيات وجملات
يا عم الاسامي دي خلاص
دلوتني فى نانسي وفيفي وتوتي ونونا
يااااه يا عمده
دا أنا ما سمعتش اللفظ بتاع المورده ده من ييجى 25 سنه
رجعتنى لزمااااان
أيام حنفية ميه واحده للبلد كلها
نغسل ونشرب وناكل
يااااه
دى المقابلات كانت هناك عند المورده
اللى يقابل حد يقوله العصر عند المورده كده
ههههههههههههههههههههه
إنت راجل بعطر وريحة الخير والفطره
معجون بجدعنة الفلاح المثقف المهذب
رائع يا عمده
فنان
لها ضحكه بتدّاره ف خوفها
لو ابوها بالصدفة يشوفها
ورسالة بالشوق توصلنى
فى حكاية بتنطق بكسوفها
تتردّد فى ودانى الحاكية
وانا باشرب من شاى الراكيه
واحايل فى انين الساقية
لو تطلع م الدار واشوفها
وبتقول لو الايام ترجع تانى
طب مانت واخدنا لسنينها
وممني روحنا بنسايمها
يا عم سعد يا شرقاوي
خد بالك انى كمان غاوي
القعده برده براس الغيط
واللمه ع اللقمة ف البيت
وبقول كمان وياك حبيت
كباية الشاي ع الراكية
الله عليك يا عم سعد
شاعر بجد وبحق وحقيقي
وكما قلت منذ زمن وسأقولها دوماً
لك مذاقك الخاص
الذى يمتعنا ويطربنا
لله درك شاعرنا الكبير
دمت لنا بكل الخير
آه يازمانى لو امكانى
أعود من تانى لأحلى سنين
وتقدر يعنى انّ ترجّعنى
أبصّ ورايا سنة ستين
اشوف السّاقية تلفّ الطارة
وأعشق كلّ بنات الحارة
وأشبك أملى على السّنارة
وحنش الطعم ف لحف الطين
,,,,,,
عند المورده ساعة عصريّة
وأحلى صبيّه بتغسل غلـّه
واعمل حيلة وفكرة جميله
أقول عطشان تناولنى القله
واشرب وانا مكسوف ع ألآخر
والخطوات منىّ بتتـّاخر
والحب ف قلبى مالوش آخر
وف ايدى كام ورده وفلـّه
,,,,,,
لها ضحكه بتدّاره ف خوفها
لو ابوها بالصدفة يشوفها
ورسالة بالشوق توصلنى
فى حكاية بتنطق بكسوفها
تتردّد فى ودانى الحاكية
وانا باشرب من شاى الراكيه
واحايل فى انين الساقية
لو تطلع م الدار واشوفها
,,,,,,,
واروّح شايل أفكار
مداريها عن طوب الدّار
واستغرب على حب الليل
وانا نفسى يكون كله نهار
وأعاود وحنينى معاى
واتجرّأ وأقول أنا جاى
عايز اشرب من ايدها الشاى
وأكمّل بيها المشوار
,,,,,,,
الكلمه بتتأوّل بينا
وبنضحك والجو نسيم
وبنحكى مع ناس حوالينا
والحركه لها معنى وسيم
ع الحيطه غرابيل ومناخل
وحصيرة بسراكون مدّاخل
والفونية اتكتمت م الدّاخل
سلـّكها عود البرسيم
,,,,,,,
والشـّمل اتجمّع على طول
بفرحنا فى حصيدة الفول
زفوّنا بالطبل البلدى
وحلاوة صوت الأرغول
والقمر البايت سهران
يتفرّج على لعب الزّان
والزرع بيرقص فرحان
ولا لينا فى الدنيا عزول
,,,,,,,
وهانجنى طرح محبتنا
ونعيشوا بمودّة ورحمة
والحب يزوّق باب بيبتنا
وولادنا راح يعملوا زحمه
وهاتعمل بوصيّة أمى
وتشقـّر على ابويا وعمى
ومسافة المولود مايسمىّ
مش حالق ولا شارى اللحمه
,,,,,,,,
وأساهم فى سبع حبّات
وخميسه علشان عنيات
فى حجابها المشبوك فى حزامها
ونرقيها من عين جملات
فى سبوعها هانطبخ تحابيش
والشرّ يروّح مايجيش
والمنخل فيه كسرة عيش
لو يرجع من دار بركات
,,,,,,,
ونحافظ على صورة النخله
والسبع المرسوم ع الدار
ونزوّق قدّامها الدّاخله
بزراعة شجرة صبّار
ونعيشوا فى فى تبات ونبات
ونخلف صبيان وبنات
وساعتها نقول لك سلامات
متشكر على أحلى نهار
,,,,,,,
الله عليك
جميل فى الفكرة والحكى
ورسم الصورة
والترابط
واللغة البسيطة
سلمت استاذى سعد الشرقاوى
اه يا عمدة لو الأيام دى ترجع ؟؟
بس مش هاتبقى عمدة صح؟
========
اشوف السّاقية تلفّ الطارة
وأعشق كلّ بنات الحارة
========
وايه حكاية تعشق كل بنات الحارة دى
لا لا ما يصحش
سعيد انى أول من يرد
اخى الكريم
الاستاذ/محمد على
تواجدكم يؤنسنى
ويكفينا من هذه الايام
ان تعود فى زكرياتنا الجميلة
لك الشوق والتقدير
الأيام الحلوة
العرض العادي
المواضيع المتشابهه
